OAV: Isroil Suriyadagi harbiy markazga hujum qilganini tasdiqladi

Isroil o‘tgan yilning sentabrida Suriya janubidagi Xama viloyatidagi harbiy tadqiqot markaziga uyushtirilgan hujum uchun javobgarlikni o‘z zimmasiga oldi. Bu haqda Isroil ommaviy axborot vositalari xabar berdi.

Xabar qilinishicha, 2024 yilning 8 sentabr kuni Isroil harbiylari Suriya hududiga kirib, Misiaf hududida joylashgan markazga hujum qilgan. OAV xabarlariga ko‘ra, Isroil xavfsizlik kuchlari «eronliklar zamonaviy yuqori aniqlikdagi qurollar ishlab chiqargan markazni portlatib yuborgan».

Avvalroq Isroil hukumati ushbu mavzuni yoritishda senzurani olib tashlagan edi.

Suriyaning SANA axborot agentligi ma’lumotlariga ko‘ra, 8 sentabr kuni Isroil askarlarining hujumi va Isroil harbiy-havo kuchlarining Suriyaga bergan zarbasi natijasida 14 kishi halok bo‘lgan, yana 43 kishi yaralangan.