Ipak Yo‘li Banki va Commerzbank savdo moliyalashtiruvi bo‘yicha bitim imzoladi

Ushbu voqea ushbu ikki moliyaviy institut o‘rtasidagi uzoq yillik hamkorlikdagi muhim bosqich bo‘lib, xalqaro savdoni moliyalashtirish sohasidagi aloqalarni yanada mustahkamladi.

Mazkur kelishuv Ipak Yo‘li Banki’ga moliyaviy imkoniyatlarini kengaytirish hamda mijozlarining xalqaro operatsiyalarini faol qo‘llab-quvvatlash imkonini beradi. Bu esa ularning tashqi savdo faoliyatining barqaror o‘sishiga xizmat qiladi.

Uchrashuvda Ipak Yo‘li Banki nomidan Boshqaruv raisining o‘rinbosari Forruh Isxaqov ishtirok etdi. U ushbu strategik hamkorlikning ahamiyatini alohida ta’kidladi:

«Ushbu bitim imzolanishi – xalqaro aloqalarimizni mustahkamlash va mijozlarimiz uchun savdo moliyalashtiruvi xizmatlarimizni kengaytirish yo‘lida muhim qadamdir. Commerzbank bilan hamkorligimiz bank xizmatlarining sifatini yangi bosqichga olib chiqishiga ishonamiz».

Ipak Yo‘li Banki va Commerzbank o‘rtasidagi hamkorlik 2007 yildan buyon davom etib kelmoqda. Shu vaqt mobaynida banklar kichik va o‘rta biznesni klassik savdo moliyalashtiruvi vositalari orqali qo‘llab-quvvatlashga qaratilgan bir qator qo‘shma tashabbuslarni amalga oshirdi.

Hamkorlikning yangi bosqichi moliyaviy jarayonlarni yanada soddalashtiradi va global savdoda yangi imkoniyatlarni ochadi.

Ipak Yo‘li Banki xalqaro hamkorliklarni rivojlantirish va savdo moliyalashtiruvida innovatsiyalarni ilgari surishga sodiq qoladi.

Reklama huquqi asosida