Reuters: Xitoy davlat kompaniyalari RFdan neft sotib olishni to‘xtatdi

AQSh "Lukoyl" va "Rosneft"ga sanksiyalar kiritganidan keyin Xitoy davlat kompaniyalari Rossiya neftini sotib olishni to‘xtatdi, deb xabar beradi Reuters. Agentlikning ta’kidlashicha, Hindiston ham Rossiyadan yonilg‘i importini kamaytirish rejasiga ega.

Foto: AP

Reuters 23 oktyabr, payshanba kuni savdo sohasidagi «ko‘p manbalarga» tayanib xabar berishicha, AQSh "Lukoyl" va "Rosneft"ga sanksiyalar kiritganidan keyin Xitoy davlat kompaniyalari Rossiya neftini sotib olishni to‘xtatdi.

Xususan, bu PetroChina, Sinopec, CNOOC va Zhenhua Oil kompaniyalariga tegishli. Xabarlarga ko‘ra, ular hech bo‘lmaganda qisqa muddatda potensial sanksiyalar haqidagi xavotirlar tufayli dengiz orqali Rossiya bilan nefti bitimlaridan voz kechmoqda. Shu bilan birga, Sinopec bo‘linmasi- Unipec o‘tgan hafta Buyuk Britaniya "Lukoyl" va "Rosneft"ga qarshi sanksiyalar joriy qilganida Rossiya neftini sotib olishni to‘xtatdi.

Shu bilan birga, Reuters agentligining ma’lumotlariga ko‘ra, Rossiyadan har kuni dengiz orqali import qilinadigan taxminan 1,4 million barrel neftning katta qismi nodavlat neftni qayta ishlash zavodlari tomonidan sotib olinadi. Agentlik tomonidan so‘ralgan tahlilchilar Xitoy davlat kompaniyalarining xaridlardagi ulushini kuniga 250 000 barreldan 500 000 barrelgacha baholaydi.

Treyderlarning so‘zlariga ko‘ra, AQSh sanksiyalaridan oldin ham, ikkita eng yirik neft kompaniyasi o‘z neftining katta qismini Xitoyga to‘g‘ridan to‘g‘ri emas, balki vositachilar orqali sotgan. Biroq, Xitoy davlat kompaniyalaridan o‘rnak olib, xususiy kompaniyalar sanksiyalarning potensial ta’sirini baholash uchun Rossiya neftini sotib olishni to‘xtatishi kutilmoqda. Ammo savdo keyinroq qayta boshlanishi mumkin.