177 mingta nikoh: o‘tgan yilga nisbatan yana kamayish

Milliy statistika qo‘mitasi ma’lumotlariga ko‘ra, 2025 yil yanvar–sentabr oylarida FHDYo organlarida 177 mingta nikoh qayd etildi. Bu ko‘rsatkich 2024 yilning shu davriga nisbatan 2,4 mingtaga kam (taxminan –1,3 foiz).

Hisobot davrida nikohlar hududiy tarkibi nisbatan muvozanatli bo‘ldi:

shahar joylarida — 91,2 ming nikoh;
qishloq joylarida — 85,8 ming nikoh.

So‘nggi to‘rt yillik 9 oylik kesimda pasayish tendensiyasi saqlanmoqda:

2021: 206,8 ming;
2022: 197,0 ming;
2023: 184,5 ming;
2024: 179,4 ming;
2025: 177,0 ming.

Shunday qilib, 2021–2025 yillarda yanvar–sentabr natijalari bo‘yicha nikohlar soni 29,8 mingga (taxminan –14,4 foiz) qisqargan.

Ma’lumotlar nikohlar sonidagi uzoq muddatli pasayish trendini ko‘rsatadi. Hududiy ulushlarda esa keskin asimmetriya yo‘q: shahar ulushi biroz ustun. Trend sabablarini tushuntirishda demografik struktura, migratsiya, iqtisodiy omillar va nikoh yoshi dinamikasi kabi ko‘rsatkichlar muhim ahamiyatga ega.

Tayyorlagan: Отабек Матназаров

#nikoh #statistika