Toshkent shahri hunarmandlar soni bo‘yicha yetakchi hudud bo‘ldi

Milliy statistika qo‘mitasi 2025 yil 1 oktyabr holatiga hunarmandlar soni bo‘yicha navbatdagi ma’lumotlarni e’lon qildi. Rasmiy ma’lumotlarga ko‘ra, mamlakat bo‘yicha faoliyat yuritayotgan hunarmandlar umumiy soni 22 100 nafarni tashkil etgan.

Hududlar kesimida hunarmandlar quyidagicha taqsimlangan:

• Toshkent shahri – 2 964 nafar;
• Farg‘ona viloyati – 2 743 nafar;
• Samarqand viloyati – 2 179 nafar;
• Andijon viloyati – 2 058 nafar;
• Namangan viloyati – 2 024 nafar;
• Xorazm viloyati – 1 982 nafar;
• Toshkent viloyati – 1 731 nafar;
• Buxoro viloyati – 1 434 nafar;
• Qashqadaryo viloyati – 1 427 nafar;
• Qoraqalpog‘iston Respublikasi – 981 nafar;
• Jizzax viloyati – 923 nafar;
• Surxondaryo viloyati – 786 nafar;
• Sirdaryo viloyati – 449 nafar;
• Navoiy viloyati – 419 nafar.

Ma’lumotlardan ko‘rinib turibdiki, hunarmandlar soni bo‘yicha Toshkent shahri yetakchilik qilmoqda, undan keyin Farg‘ona va Samarqand viloyatlari qayd etilgan. Sirdaryo va Navoiy viloyatlarida esa hunarmandlar soni nisbatan kamroq bo‘lib, tegishlicha 449 va 419 nafarni tashkil etgan.