Sertifikatlashdan xorij bozorlarigacha: Control Union O‘zbekiston ishlab chiqaruvchilariga nima beradi?

So‘nggi yillarda O‘zbekiston ishlab chiqaruvchilari uchun Yevropa Ittifoqi va AQSh bozorlariga chiqish strategik ahamiyat kasb etmoqda. Bu yo‘lda asosiy talablardan biri — xalqaro standartlar asosida sertifikatlash va mustaqil inspeksiya hisoblanadi. 2021-yilda «Control Union Quality» MChJ shu ehtiyojni ta’minlash maqsadida tashkil etilgan edi.

Ushbu korxona O‘zbekiston–Niderlandlar qo‘shma korxonasi bo‘lib, qishlok xo‘jaligi, oziq-ovqat va to‘qimachilik korxonalari uchun xalqaro inspeksiya va sertifikatlash xizmatlarini ko‘rsatadi. Kompaniyaning asosiy maqsadi — mahalliy ishlab chiqaruvchilarga xalqaro bozorlarga chiqishda ko‘maklashish va ularning mahsulotlariga bo‘lgan ishonchni oshirish. Chunki jahon bozorida qishloq xo‘jaligi mahsulotlarini sotish uchun oziq-ovqat xavfsizligi va organik kelib chiqishni tasdiqlovchi xalqaro sertifikatlar talab etiladi.

Control Union quyidagi asosiy sertifikatlar bo‘yicha xizmat ko‘rsatadi:

• Organic EU (EU Reg. 2018/848),
• USDA NOP,
• GLOBALG.A.P. Integrated Farm Assurance

Organik mahsulotlar an’anaviy mahsulotlarga nisbatan qimmatroq narxda sotilishini yaxshi bilamiz. Shu bilan birga, mazkur xalqaro sertifikat mahsulot xavfsizligini tasdiqlaydi. Uning tayyorlanish jarayoni ekologik me’yorlarga rioya etilishini ko‘rsatadi. Bu muvofiqlik esa o‘sha kompaniya imidjini va raqobatbardoshligini oshirib, eksport hajmini kengaytirishga xizmat qiladi.

Kompaniyaning mijozlari orasida nufuzli «Global Export Company» MChJ, «Baraka Meva Sanoat Servis» MChJ, «New Way Industries» MChJ kabi korxonalarni ko‘rish mumkin.

To‘qimachilik sohasida ilk va yagona tajriba

To‘qimachilik sanoati dunyoda neft-gaz tarmog‘idan keyin ikkinchi yirik ifloslantiruvchi soha hisoblanadi. Shu bois, xalqaro bozorda ekologik va ijtimoiy talablar keskin kuchaymoqda. Control Union O‘zbekistonda GOTS, OCS, GRS, RCS, FSC, RWS, Better Cotton (BCI), regenagri® kabi xalqaro to‘qimachilik standartlari bo‘yicha sertifikatlashni amalga oshirayotgan birinchi va yagona kompaniya hisoblanadi.

Bu standartlar organik xomashyo manbasini, mehnat xavfsizligini, atrof-muhit muhofazasini, suv tozalash, chiqindilar va issiqxona gazlari nazoratini o‘z ichiga oladi.

Kompaniya qoshida faoliyat yuritayotgan zamonaviy to‘qimachilik laboratoriyasi mahsulot sifatini aniq baholash imkonini beradi. Sinovlar GOTS, ISO va ASTM standartlari asosida o‘tkaziladi. Natijada ishlab chiqaruvchilar batafsil hisobot va texnologik jarayonlarni yaxshilash bo‘yicha tavsiyalarga ega bo‘ladi. Control Union korxonalarda SMETA, ESG, WRAP va SA8000 kabi ijtimoiy standartlar bo‘yicha auditlar o‘tkazadi. Bu auditlar mehnat qonunchiligiga rioya etilishini, xodimlar huquqlari himoyasini va etik me’yorlarni ta’minlashga qaratilgan bo‘lib, eksportga yo‘naltirilgan korxonalar raqobatbardoshligini oshiradi.

Biz issiqxona gazlari chiqindilarini aniq hisoblash, tasdiqlash va tekshirish uchun ISO 14064 standartini qo‘llash, Gold Standard va Verra (VCS) loyihalarini hujjatlar, uslubiyatga muvofiqlik va shaffoflik, ishonchlilik va xalqaro miqyosda tan olingan natijalarni ta’minlash uchun mustaqil tekshirish orqali chiqindilarni kamaytirish va barqaror rivojlanishga hissa qo‘shadigan iqlim tashabbuslarini har tomonlama qo‘llab-quvvatlaymiz. Kompaniyaning tekstil sohasidagi mijozlar orasida Fergana Global Textile, Osborn Textile, BUKHARA COTTON TEXTILE, TEXTILE MILL TASHKENT kabi yirik korxonalarni ko‘rish mumkin.

Inspeksion loyihalar esa Mercy Corps va WFP (BMT Oziq-ovqat dasturi) bilan hamkorlikda O‘zbekiston va Qirg‘izistonda amalga oshirilgan.

Control Union Quality bugungi kunda O‘zbekiston ishlab chiqaruvchilari uchun xalqaro bozorlarga chiqishda ishonchli ko‘prik vazifasini o‘tamoqda. Xalqaro sertifikatlash, laboratoriya nazorati va inspeksion xizmatlar orqali kompaniya mamlakat eksporti sifat jihatidan yangi bosqichga chiqishiga hissa qo‘shadi.

Reklama