Yangilangan Kia Carens “Qarama-qarshiliklar birligi” brendi falsafasidan ilhomlangan. Ushbu yondashuv Kia kompaniyasining zamonaviy mijozlar ehtiyojlariga javob beradigan innovatsiyalar, xavfsizlik va qulaylikni o‘zida mujassam etgan mobillikka oid ilg‘or qarashlarini aks ettiradi.
Yangi Kia Carens avvalgi avlodga nisbatan sezilarli darajada oldinga siljib, tashqi ko‘rinish, interer va jihozlanishda keng ko‘lamli takomillashtirishlarni taklif etadi.
Tashqi ko‘rinishida model jasoratli yangi dizayn yo‘nalishiga ega bo‘ldi: kuzovning old va orqa qismlari to‘liq qayta ishlangan bo‘lib, bu avtomobilga yanada ishonchli va yo‘ltanlamas uslubdagi qiyofa beradi. Yangilangan kapot, radiatorning ifodali panjarasi, “Yulduzlar xaritasi” konsepsiyasidagi vertikal LED optika va “Muz bo‘laklari” konsepsiyasidagi LED MFR faralar old tomondan ta’sirchan ko‘rinishni shakllantiradi. Yangi bamper dizayni mustahkam himoya qoplamasi bilan ajralib turadi.
Orqa tomondan zamonaviy va dinamik ko‘rinish “Yulduzlar xaritasi” konsepsiyasidagi nafis chiroqlar orqali yaratiladi — flagman modellardagidek, kuzovning butun kengligini qamrab olgan LED tasma bilan. Yukxona keng eshigi old dizayn bilan uslubiy uyg‘unlikni saqlagan holda mustahkam qoplamaga ega.
Yangi 17 dyuymli kristall shaklidagi yengil qotishmali disklar va tomdagi yangilangan reylinglar modelga elektromobillardan ilhomlangan Kia dizayn kodini aks ettiruvchi to‘liq qiyofa beradi.
O‘z segmentida katta g‘ildirak bazasiga ega bo‘lgan yangi Kia Carens yo‘lovchilarga kenglik va yuqori darajadagi qulaylikni taqdim etadi.
Avtomobilning intereri to‘liq qayta ishlangan bo‘lib, unda qulaylik va mehmondo‘stlik muhitini yaratuvchi ixcham va nafis dizayn ustunlik qiladi. Old panelning yangi estetik shakli salonga futuristik va texnologik xarakter bag‘ishlaydi, eshik tutqichlarini o‘z ichiga olgan yangilangan interer elementlari esa zamonaviylik va noziklik taassurotini yanada kuchaytiradi.
Asboblar paneli metall qo‘shimchalar bilan bezatilgan. Old panelda, old va orqa eshiklarda joylashgan ko‘p rangli atmosfera yoritkichlari 64 xil rangdan birini tanlash imkonini beradi. Universal va intuitiv multimedia hamda iqlim nazorati boshqaruv paneli konsol markazida juda qulay joylashtirilgan.
Yangi panoramali displey alohida e’tiborni tortadi. U 12,3 dyuymli asboblar paneli va 12,3 dyuymli axborot-ko‘ngilochar tizim ekranini birlashtirib, yanada kuchli immersiv effekt yaratadi. Multimedia tizimi interfeysi to‘liq o‘zbek tiliga tarjima qilingan.
