Abu-Dabida AQSh ishtirokida Ukraina va Rossiya muzokaralarining ikkinchi kuni boshlandi

“Kechagidek shu formatlarda ishlayapmiz: uch tomonlama maslahatlashuvlar, guruhlarda ishlash va keyin pozitsiyalarni muvofiqlashtirish”, — deb yozdi u.

Muzokaralarning ikkinchi kuni boshlanganini TASS manbasi ham tasdiqladi. Uning ma’lumotiga ko‘ra, uchrashuvlarda iqtisodiy masalalar, hududlar va o‘t ochishni to‘xtatish mexanizmi muhokama qilinmoqda.

Muzokaralarning birinchi kuni 4 fevral kuni o‘tgan. Undan keyin na Rossiya, na Ukraina tomonidan hech qanday rasmiy bayonot berilmagan. Umerov esa ish “mazmunli va samarali, aniq qadamlar va amaliy yechimlarga yo‘naltirilgan” bo‘lganini aytgan.

Abu-Dabidagi muzokaralarda Rossiya delegatsiyasiga RF QK Bosh shtabi Bosh boshqarmasi rahbari Igor Kostyukov boshchilik qilmoqda. AQSh tomonidan muzokaralarda Donald Trampning maxsus vakili Stiven Uitkoff va AQSh prezidentining kuyovi Jared Kushner ishtirok etmoqda. Ukraina nomidan muzokaralarda boshqalar qatorida Milliy xavfsizlik va mudofaa kengashi kotibi Rustem Umerov hamda prezident idorasi rahbari Kirill Budanov qatnashmoqda.