«Chelsi» favqulodda vaziyatlarni inobatga olib, sobiq futbolchi Petr Chexni APL o‘yinlari uchun qaydnomaga kiritdi.

Bu koronavirus pandemiyasi keltirib chiqarishi mumkin bo‘lgan oqibatlarning oldini olish maqsadida qilingan. Chex shartnomasiz futbolchi uchun ajratilgan o‘rinni egallaydi.

Ma'lumot uchun, Chex 2019 yili futbolchilik faoliyatini yakunlagan. U hozirda London klubida texnik maslahatchi bo‘lib ishlaydi. Chexiyalik sobiq posbon «Chelsi»da 2004 yildan 2015 yilgacha harakat qilgan.