Ўтган ҳафта мобайнида Ўзбекистон ва халқаро ҳаётда муҳим воқеалар содир бўлди, муҳим қарорлар қабул қилинди, кўз кўриб, қулоқ эшитмаган ҳодисалар содир бўлди. Ана шу воқеа-ҳодисаларнинг энг муҳим ва қизиқарлилари ҳафталик дайжестда.
“Ўзбекистон темир йўллари” тузилмаси ўзгарди
Ўзбекистон Республикаси Вазирлар Маҳкамасининг 2016 йил 28 октябрдаги 375-сонли қарорига мувофиқ, “Ўзбекистон темир йўллари” АЖ ташкилий тузилмасига ўзгартишлар киритилди.
Туркманистон президенти билан учрашув
Ўзбекистон бош вазири ўринбосари Улуғбек Розуқулов Ашхободда Туркманистон президенти Гурбангули Бердимуҳамедов билан учрашди.
Ўзбекистонда янги электр узатиш линияси қурилиши бошланди
«Ўзбекэнерго» АЖ Ўзбекистоннинг шимоли-ғарбий қисмида «220 кВ ли Тахиатош ИЭС — Хоразм нимстанцияси — Саримой аҳоли яшаш жойи (Хоразм вилояти) электр узатиш линияси қурилиши» лойиҳаси доирасида юқори вольтли электр узатиш тармоғи қурилишини бошлади.
Ўзбекистон ва Россиянинг “Яшил йўлаги"
Ўзбекистон ва Россия ноябрь ойи охирига қадар “Яшил йўлак” тизими ташкил қилиш борасидаги шартномаларни имзолаши кутилмоқда.
Самарқанд вилоятида 2 туман ҳокими алмаштирилди
"Каттақўрғон шаҳар ҳокими Шуҳрат Раҳмонов ўз аризасига биноан вазифасидан озод этилди. Баҳодир Сайфуллаевич Саъдуллаев вилоят ҳокими тавсиясига кўра шаҳар ҳокими этиб тасдиқланди".
Афғонистонга Ўзбекистон томонидан ёрдам
Тошкент нафақат Қобулнинг Афғонистонда тинчликни тиклаш бўйича саъй-ҳаракатларини қўллаб-қувватлашини, балки "Толибон" радикал гуруҳи билан ярашув жараёнини аниқ ҳаракатлар билан қўллаб-қувватлаши мумкинлигини маълум қилди.
Шавкат Мирзиёев Дональд Трампни табриклади
Ўзбекистон Республикаси Президенти вазифасини бажарувчи Шавкат Мирзиёев 2016 йилнинг 10 ноябрь куни Дональд Трампни сайловдаги ишончли ғалабаси ва Америка Қўшма Штатлари Президентлигига сайланганлиги муносабати билан табриклади.
Янги виртуал қабулхона
2016 йилнинг 10 ноябрь куни Ўзбекистон Республикаси Ташқи ишлар вазирлигининг расмий веб-саҳифасида виртуал қабулхона фаолият юрита бошлади.
Абдулла Орипов Тошкентдаги «Чиғатой» қабристонига дафн этилди
10 ноябрь куни Ўзбекистон халқ шоири, Ўзбекистон қаҳрамони, Ўзбекистон давлат мадҳияси муаллифи Абдулла Орипов ватанида ерга қўйилди.
Шавкат Мирзиёев Абдулла Ориповнинг дафн маросимида иштирок этди ва ҳамдардлик билдирди
Ўзбекистон мадҳияси муаллифи Абдулла Ориповнинг Дўрмонда ўтган дафн маросимида Ўзбекистон президенти вазифасини бажарувчи Шавкат Мирзиёев ҳам иштирок этган ва марҳумнинг Дўрмондаги ҳовлисида таъзия билдириш учун келганларни кутиб олган.
Тошкентда фундаментал ва амалий физика масалаларига бағишланган халқаро симпозиум бошланди
Симпозиумда жаҳоннинг 26 мамлакатидан 85 нафар физик олим ва тадқиқотчилар иштирок этди. Тадбирни Ўзбекистон Фанлар академияси президенти академик Шавкат Салихов ва Ўзбекистон Миллий университети ректори, профессор Аваз Марахимов қутлов сўзи билан очиб берди.
The Financial Times: электрон ҳукумат — келажакда Ўзбекистоннинг жадал ривожланишини ҳаракатлантирадиган куч
Буюк Британиянинг The Financial Times газетасида "Ўзбекистон: электрон ҳукумат вакиллик демократияси ва давлат шаффофлигини оширишни таъминлайди" сарлавҳаси остида мақола чоп этилди.
X5 Retail Group Ўзбекистондан мева-сабзавот харид қилади
Ўзбекистонда 8-10 ноябрь кунлари бўлиб ўтган I Халқаро мева-сабзавот ярмаркаси доирасида хорижий компания ва ҳамкорлар билан амалий учрашувлар ташкил этилди. Хусусан, шундай музокараларнинг бирида «Агро-Лайн» ва Х5 Retail Group ўртасида 117 млн долларлик шартнома имзоланди.
Автомобиль ҳайдовчилари орасидаги миш-миш нақадар асосли?
Facebook ва Telegram каби ижтимоий тармоқларидаги хабарларга кўра, давлат автомобиль рақамлари: “платина”, “олтин”, “кумуш” ва “бронза” деб номланган тўрт тоифага ажратилганини кўриш мумкин.
Дорихоналарда мавжуд бўлиши зарур бўлган дори воситалари ва тиббий буюмлар рўйхати тузилди
Ўзбекистон Республикаси Соғлиқни сақлаш вазирлигининг Дори воситалари ва тиббий техникалар сифатини назорат қилиш бўйича бош бошқармаси дорихоналарда мавжуд бўлиши зарур бўлган дори воситалари ва тиббий буюмлар рўйхати лойиҳасини тайёрлади.
Ўзбекистон Тайвань ва Тибетнинг мустақиллигига қарши
Ўзбекистон Тайвань ва Тибетни Хитойнинг ажралмас қисми сифатида қабул қилишини тасдиқлади.
Саакашвили истеъфога чиқди
Украинанинг Одесса вилояти губернатори Михаил Саакашвили истеъфога чиққани ҳақида маълум қилди.
АҚШнинг янги 45-президенти
Дональд Трамп Сайловчилар коллегиясида 276 нафар сайловчига эга бўлиб, АҚШнинг 45-президенти бўлди.
АҚШнинг янги кузири: Дональд Трамп
Миллиардер Дональд Трамп АҚШ президентлик сайловида ғолиб бўлди. У бу лавозимга бир йилгина кураш олиб боргани йўқ. Миллиардер илк бора президент бўлиш орзуси хусусида 30 йил муқаддам эълон қилган эди.
Жанубий Кореяда илк марта президент сўроқ қилиниши мумкин
«Президентни сўроқ қилиш шу ҳафтадаёқ бўлиб ўтиши кутилмоқда. Лекин сўроқ ўтказилмаслиги ҳам мумкин. У ҳолда сўроқ Чхве Сун Силга ҳукм чиқарилганидан кейин ўтказилади», — дея қайд этилган Сеул прокуратурасида.
Афғонистон парламенти беш вазирни истеъфога чиқарди
Афғонистон парламенти бесамар фаолияти учун уч нафар вазирни, шунингдек, эртаси куни яна икки нафар вазирни ишдан четлатди.
Қирғизистон президенти Жээнбековни республика бош вазирлигига тайинлади
Қирғизистон президенти Алмазбек Атамбаев Сооронбай Жээнбековни республика бош вазири этиб тайинлади.
Хитойда юқори мартабали амалдор пора олгани учун ўлим жазосига ҳукм қилинди
Хитой Халқ сиёсий маслаҳатлашув кенгашининг Гуандун вилоятидаги қўмитаси собиқ раиси Чжу Минго 21 миллион доллар миқдорида пора олганликда айбдор деб топилган ва уни қатл этиш ҳукми чиқарилган.
Видео: мексикалик қотил футболчи
Интернетда Мексиканинг Тулансинго шаҳрида ҳаваскор жамоалар ўртасида кечган учрашув вақтида ўйин ҳаками Виктор Трехонинг футболчи томонидан ўлдирилиши тасвирланган видео пайдо бўлди.
Макгрегор Альваресни енгиб, 2та вазн тоифасида чемпион бўлган UFC тарихидаги илк спортчига айланди
Ирландиялик аралаш яккакураш жангчиси, ўрта енгил вазнда (61-66 кг) UFC жаҳон чемпиони камари соҳиби Конор Макгрегор енгил вазндаги (66-71 кг) жаҳон чемпиони, америкалик Эдди Альваресга қарши кечган жангда ғолиб бўлди.
Виталий Денисов Осиёнинг октябрь ойидаги энг яхши футболчиларидан бири сифатида эътироф этилди
Ўзбекистон миллий терма жамоаси ва "Локомотив Москва клуби ҳимоячиси Виталий Денисов Football Channel Asia портали томонидан октябрь ойида энг яхши ўйин намойиш этган осиёлик футболчилар рейтингида иккинчи ўринни эгаллади.
Аргентиналик мухлислар Мессининг термадан кетишини талаб қилишмоқда
Маҳаллий матбуот берган хабарларга кўра, Аргентинанинг Бразилиядан мағлубиятга учрашига мухлислар жамоа сардори Лионель Мессини айблашмоқда.
Fortune журнали йил тадбиркорини аниқлади
Fortune журнали дунёда тадбиркорлар орасидан энг яхшиларини аниқлаб олди ва «Йил тадбиркорлари» рейтингини эълон қилди.
