Kun.uz jurnalisti Rahmatillo Isroilov ishlash uchun Kanadaga jo‘nab ketdi
Yana bir oliy ma'lumotli mutaxassis O‘zbekistonni tark etdi. Kun.uz’ning jonkuyar xodimlaridan biri Rahmatillo Isroilov o‘zbekistonlik mehnat muhojirlari sonini yana bittaga ko‘paytirib, Kanadaga immigratsiya maqsadida oilaviy jo‘nab ketdi.
Rahmatillo Isroilov Kun.uz tahririyatida qisqa fursat ichida o‘z fidoyiligi, vatani va vatandoshlarini sevishi, nohaqlikka murosasizligi bilan xalq e'tiborini qozondi. Kun.uz o‘quvchilari orasida ayniqsa «snos» masalalarini ko‘tarib chiqishi bilan tanilgan jurnalist bu boradagi ko‘plab muammoli holatlar yechimiga, xalq va jamiyat uchun manfaatli yakun topishiga sabab bo‘ldi.
Izlanuvchan jurnalist ishlash barobarida o‘qish, shaxsiy rivojlanish, boshqa xalqlar hayoti bilan yaqindan tanishish hamda dunyo kezishni maqsad qilgan.
Kun.uz jamoasi Rahmatillo Isroilovning o‘z oldiga qo‘ygan maqsadlari sari qo‘ygan dadil qadamini qo‘llab-quvvatlagan holda xalqimiz uchun yanada manfaatli inson sifatida rivoj topishiga ishonch bildirib qoladi.
Mavzuga oid
19:18 / 19.10.2024
Tamaki ishlab chiqaruvchilar Kanada aholisiga 23,6 mlrd dollar kompensatsiya to‘laydi
18:33 / 18.10.2024
Kanada xorijlik talabalarga o‘qishni tugatgandan keyin mamlakatda qolib ishlashni cheklaydi
23:01 / 05.10.2024
Kanadada yotoqxonasidan ko‘rshapalak chiqqan bola quturishdan vafot etdi
23:42 / 28.08.2024