Андижон вилоятида ҳам электромобиллар ишлаб чиқаришга мўлжалланган заводи қурилади. Бу ҳақда президент Шавкат Мирзиёев Янги Андижон шаҳри тамал тоши қўйилишига оид тадбирда эълон қилди.
«Хитой тажрибасини ўрганамиз, Андижонда электромобиллар заводини қурамиз. Замон шиддат билан ўзгаряпти, саноат илмга асосланиши керак», дея Шавкат Мирзиёевнинг сўзларини келтирмоқда Kun.uz мухбири.
Маълумот учун, Фарғона вилоятининг Қўқон шаҳрида ҳам электромобиллар ишлаб чиқариш корхонаси фаолияти йўлга қўйилиши режалаштирилган. «Shaffof omadli sanoat» МЧЖ томонидан Хитой компанияси билан ҳамкорликда электромобил ишлаб чиқаришни ташкил этиш муддати 2022 йилнинг 1 октябрь куни этиб белгиланган, бу ерда ишлаб чиқарилган автомобиллар нархи 3 минг доллар атрофида бўлиши ваъда қилинган.
