Қирғизистонда шартли "террорчилар" йўқ қилинди

Фото: RIA

ШҲТга аъзо давлатларнинг халқаро аксилтеррор машғулотларида иштирок этаётган бирлашган қўшинлари қўмондонлик томонидан қўйилган топшириқларни бажарган. Улар Қирғизистонда бўлиб ўтаётган "Тинчлик миссияси-2016" машғулотлари доирасида шартли "террорчилар"ни йўқ қилди, деб хабар қилмоқда Марказий ҳарбий округ матбуот хизмати.

Хабар қилинишича, ўқув машғулотларининг террорчиларни йўқ қилиш саҳнасида қўшма кучларнинг фронт ва ҳужум авиацияси ҳам қатнашган. Хусусан, Россия ва Хитойнинг Су-24 ва "Цзянь-Хун-7" бомбардимончи самолётлари ҳамда Ми-8МТВ ва "Чжи-9" вертолётлари хизматидан фойдаланилган.

"Тинчлик миссияси-2016" Қирғизистоннинг Иссиқ кўл вилояти ҳудудидаги тоғли минтақада бўлиб ўтмоқда. У, 21 сентябргача давом этади. Ўқув машғулотларида Қозоғистон, Қирғизистон, Хитой, Россия ва Тожикистон Қуролли кучлари иштирок этмоқда.