Истанбулда мем-мушук ҳайкали ўрнатилди

Истанбулда йўл четига суяниб ўтирган Томбили мушугига ҳайкал ўрнатилди. Бу ҳақида Hurriyet нашри хабар берди. 

Манбага кўра, кўплаб мемларга сабаб бўлган Томбилининг сурати айнан шу ҳолатда акс эттирилган бўлган. Жорий йилнинг августида мушук ҳаётдан кўз юмганидан сўнг маҳаллий аҳоли change.org'да петиция учун имзо тўплай бошлашди, улар Кадикей муниципалитетидан машҳур мушукка ҳайкал ўрнатиш талаби билан чиқишган. 

4 октябрь куни шаҳарда бронзадан ясалган мушук ҳайкали пайдо бўлди, унинг ўрнатилиши Умумжаҳон ҳайвонларни ҳимоя қилиш кунига бағишланган.