Марсда ҳаёт учун жой борлиги аниқланди

Фото: NASA

Марснинг шимолий ярим шаридаги Deuteronilus Mensae ҳудуди инсонларнинг биринчи экспедицияси учун мос келувчи жой бўлиши мумкин. Сабаби, у ерда катта миқдорда сув музликлари мавжуд. Тадқиқотчилар ишониб айтишича, айнан шу ҳудудда ўзга сайёраликлар ҳаётини кашф этиш мумкин. Бу ҳақда хабар қилмоқда.

Олимлар томонидан аниқланган минтақанинг радиуси 100 километрга яқин бўлиб, у Утопия ва Хрис текисликлари орасида жойлашган. Ҳудуднинг аниқ координаталари — 39,1 даража шимолий кенглик ва 23,1 даража шарқий узунлик.

Дунёнинг етакчи фазовий агентликлари аввалари жуда кўп маротаба Марсга экспедиция жўнатиш режаси ҳақида маълум қилишган. Жумладан, НАСА астронавтларни мазкур сайёрага 2030 йиллардан жойлаштиришни режалаштирган. Американинг хусусий SpaceX компанияси Марсга ўз миссиясини 2024 йилда юбориш ниятида.

29 сентябрь куни АҚШлик тадқиқотчилар Journal of Geophysical Research: Planets нашрида Марс платоси Тавмасияни тирик организм учун энг муносиб жой деб аташди.

Тайёрлаган: Феруза Авазова

#Марс #NASA #фазо #сайёра