Трамп Facebook тармоғида ўз томошасини намойиш этади

Фото: Asset News Hub

АҚШ президентлиги учун кураш тобора қизғин тус олмоқда. Номзодлар ўз тарафдорлари сонини ошириш мақсадида барча имкониятлардан фойдаланишга уринаяпти. Хусусан, Республикачилар партияси номзоди Дональд Трамп Facebook Live орқали ўзининг ҳар кунлик томошасини ишга туширади, деб ёзмоқда Wired.

Шоуда Трамп кампаниясининг икки нафар маслаҳатчиси — Борис Эпштейн ва Клифф Симс — журналист аёл Томи Лахрен ҳамкорлигида иштирок этади. Дастурларда сиёсатчининг чиқишлари ҳамда уларнинг муҳокамаси эфирга узатилади. Шунингдек, Трамп оила аъзолари ва экспертлар томоша меҳмонлари бўлишади.

Айрим америкалик журналистларнинг қайд этишларича, бу томоша «Трамп-ТВ» номидаги телеканалнинг дебочаси бўлиши мумкин. Бироқ, таъкидланишича, республикачи номзоднинг ўзи бу каби телеканални ташкил этишга қизиқиш билдирмаган.