Россия президенти матбуот котиби Дмитрий Песков Associated Press агентлигига берган интервьюсида баёнот беришича, расмий Москва АҚШдаги президентлик пойгасида Ҳиллари Клинтон ва Дональд Трамп штаблари билан алоқада бўлиб турган.
Песков бу каби алоқаларни «табиий, меъёрдагидек», деб баҳолаган.
«Бизнинг экспертлар ва АҚШ ҳамда халқаро ишлар бўйича мутахассисларимиз... Улар албатта, доимо бу ердаги ўз ҳамкасблари, хусусан жаноб Трамп гуруҳидагилар билан ҳам алоқада бўлиб туради», — деган Песков. Унинг сўзларига кўра, россиялик мутахассислар Ҳиллари Клинтон штабидагилар билан ҳам алоқада бўлишган.
Аммо, янги сайланган президент Дональд Трампнинг матбуот котиби Хоуп Хикс агентлик билан суҳбатда бу иддаоларни рад этган бу каби алоқалар мавжуд эмаслигини қайд этган.
«Бу каби алоқалар ҳеч қачон бўлмаган. Сайловолди кампанияси билан биронта хорижий тузилма ўртасида бундай мулоқот бўлмаган», — деган Хикс хоним.
