Фото: РБК
Хитойнинг сайёҳлик хизматларини таклиф қилувчи Ctrip.com сайти авиачипталарни онлайн қидириш бўйича Skyscanner хизматини 1,74 млрд доллар эвазига харид қилди. Битим йил охиригача тўлиқ якунланиши керак, деб ёзмоқда The Guardian нашри.
Skyscanner хизмати арзон авиачипталарни топиш ҳамда турли сайёҳлик сайтларидаги самолётлар, меҳмонхоналар ва автомобиллар ижараси учун нархларни солиштиришга имкон беради. Сайтга ҳар ой 60 млнга яқин фойдаланувчи киради, у дунёнинг 30 тилида хизмат кўрсатади.
Таъкидланишича, Skyscanner ходимлари компаниядаги фаолиятини давом эттиради.
