Фото: Getty Images
Россиянинг «Аэрофлот» авиакомпаниясининг SU1871 «Тошкент-Москва» йўналиши бўйича қатновини амалга ошираётган самолёт ҳавога кўтарилгач, кўп ўтмай, Ўзбекистон пойтахтига қайтиб қўнди. Бу ҳақда Газета.уз сайти хабар қилмоқда.
A330 ҳаво лайнери Тошкентдан шундоқ ҳам бир соат кечикиб, соат 4:30 ўрнига 5:35да ҳавога кўтарилган. Кутиш кенглигида рухсатни кутган самолёт 6:05да аэропортга қўнган.
Экипаж аъзолари ҳаво лайнерининг ортга қайтишига парвоз чоғида кузатилган носозликни айтишган. Айни вақтда, йўловчилар кутиш залига келтирилган. Унинг парвоз қилиш вақти номаълум.
