АҚШ жуда кўплаб хатолар қилгани сабабли катта миқдорда инсонлар ҳаётдан кўз юмди, дея баёнот берди президент Дональд Трамп Fox News телеканалига берган интервьюсида.
Бу мавзу телебошловчи Трампнинг РФ президенти Владимир Путинни қанчалик ҳурмат қилишига оид савол берганидан сўнг пайдо бўлди. Журналист Россия етакчисини "қотил" деб атагач, Оқ уй раҳбари "қотиллар кўплигини ва унинг мамлакати ҳам бу борада бегуноҳ эмас"лигини айтган.
"Келинг, бир ёдга оламиз, бизлар нималар қилиб қўйдик. Биз жуда кўп хато қилдик. Масалан, мен аввалбошданоқ Ироқдаги урушга қарши чиққанман", — деган Трамп.
Журналистнинг "булар шунчаки хато бўлгани"ни, қотиллик эмаслигини қайд этишига жавобан, Трамп: "Яхши. Аммо, кўплаб одамлар ҳалок бўлди. Ишонинг, атрофда қотиллар кўп", - дея жавоб берган.
