Францияда президентлик сайлови бошланди

Францияда маҳаллий вақт билан соат 08:00да (Тошкент вақти билан соат 11:00) мамлакат президентлиги сайловининг биринчи турида овоз бериш жараёни бошланди.

Президентлик лавозими учун 11 номзод кураш олиб боради.

Асосий фаворитлар «Маршда» ҳаракати етакчиси Эммануэль Макрон, Миллий фронт раҳбари Марин Ле Пен, «Республикачилар» яъни, ўнг партиялар ва марказчилар номзоди Франсуа Фийон ҳамда «Бўйсунмас Франция» ҳаракати етакчиси Жан-Люк Меланшон бўлиб турибди.

Беш мсье ва бир мадам: Франция президентлигига номзодлар ва уларнинг дастури

Сайловда 45 миллиондан ортиқ француз қатнашиши мумкин.

22 апрель куни Франциянинг океанорти ҳудудларидаги сайлов участкалари очилганди.

Энг мураккаб сайлов: Макрон путинчи номзодларга қарши

Тайёрлаган Азиз Қаршиев

#Франция #сайлов

11 нафар номзод Елисей саройи учун кураш олиб бормоқда. Франция конституциясига мувофиқ, биринчи турдан сўнг икки номзод қолади. Улар сайловнинг якуний босқичида иштирок этади. Иккинчи тур 7 май куни бўлиб ўтади.