Истанбулда турк газетаси бош муҳаррири ўлдириб кетилди

Истанбулда Yeni Akit газетаси бош муҳаррири Қодир Демирел пичоқ билан етказилган жароҳатдан ҳалок бўлди. Anadolu ахборот агентлигининг маълум қилишича, Демирел куёви билан низо давомида у томондан ўлдирилган.

Мавжуд маълумотларга кўра, Демирел ўзининг қизи Эсма ва унинг турмуш ўртоғи   Жамил Ёвуз Каранфил билан низолашиб қолган. Можаро вақтида куёв қайнотаси ва қайнонасига пичоқ билан зарба берган. Шунингдек, можаро вақтида Демирелнинг қизига ҳам шикаст етган. 

Демирел олинган жарорҳатлардан жон берган, унинг қизи оғир аҳволда шифохонага етказилган ва операция қилинган. 

Айни вақтда полиция воқеа жойида иш олиб бормоқда. Воқеа жойидан қочиб кетган қотил куёв қидирувга берилган.