Марказий банкка янги раҳбар тайинланди

Фото: "Кун"

Ўзбекистон Республикаси Марказий банки бошқарувига янги раис тайинланди. "Кун.уз" манбасига кўра, бу - Мамаризо Бердимуратович Нурмуратов.

Конституцияга мувофиқ, Ўзбекистон Республикаси Марказий банк бошқарувининг раисини тайинлаш ҳамда уни лавозимидан озод этиш Сенат ваколатига киради.

Таъкидлаш жоизки, Мамаризо Нурмуратов шу кунга қадар Олий Мажлис Сенатининг Бюджет ва иқтисодий ислоҳотлар масалалари қўмитаси раиси лавозимида фаолият юритиб келган. Шунингдек, 2004-2006 йилларда Самарқанд вилояти ҳокими бўлиб ишлаган.

Тайёрлаган: Лола Раҳманбаева

#Марказий банк #раис #Мамаризо Нурмуродов