АҚШ президенти Дональд Трамп маъмурияти Эронга қарши янги санкциялар жорий этиш ниятида. Бу ҳақда The Hill нашри маъмуриятнинг юқори лавозимли мулозимларига таянган ҳолда хабар қилмоқда.
Уларнинг айтишича, Оқ уй Конгрессдаги ҳисоботида Эроннинг ядро келишувини адо этаётганини билдирмоқчи.
Маъмурият вакиллари қайд этганидек, АҚШ президенти Дональд Трамп ва давлат котиби Рекс Тиллерсон «Эрон АҚШ манфаатлари ва минтақавий барқарорликка энг хавфли таҳдидлардан бири бўлиб қолаётганини» таъкидлаш ниятидалар.
Хабарларга кўра, Трамп маъмурияти «Эроннинг фақатгина ядро келишувига эътибор қаратадиган эмас, балки барча ғаразли сиёсатини барбод қиладиган» стратегияни ишлаб чиқармоқчи.
Мулозимлардан бирининг сўзларига кўра, бу стратегия «Эроннинг минтақада ўзини ёмон тутаётгани учун масъулиятиини оширишга қаратилган» янги санкцияларни назарда тутади.
