«ПСЖ»да Неймар учун 222 млн евро йўқ. Савдо кетмоқда

«ПСЖ» Неймарнинг трансфери бўйича «Барселона» билан музокараларни давом эттирмоқда. RMC хабарига кўра, парижликлар футболчининг нархини туширмоқчи.

Хабарда айтилишича, «ПСЖ» бразилиялик ҳужумчи учун 222 миллион евро тўлашга тайёр эмас, ўз навбатида улар қанча беришга тайёрлиги аниқ айтилмаган.

Бундан аввалроқ Бразилиядаги нашрлар Неймар «ПСЖ» таклифини қабул қилгани ҳақида ишонч билан ёзишганди.

«Барселона» эса футболчининг кетиши ҳақидаги хабарларни рад этмоқда.

Футболчининг каталонлар билан амалдаги шартномаси муддати 2021 йилгача.