Саудия ҳукумати "очиқ-сочиқ" кийимда сайр қилган қизни ҳибсга олди

Саудия Арабистони ҳукумати аввалроқ Ушайкир қадимий қишлоғида калта юбкада сайр қилган қизни қўлга олди. У ўзининг сайри тасвирланган видеони эълон қилганидан сўнг, ҳодиса жиддий баҳс-мунозараларга сабаб бўлганди. Бу ҳақда Associated Press хабар қилмоқда.
 
Аввалроқ Саудия Арабистони ҳукумати калта юбкада юргани тасвирланган видеороликни эълон қилган қизга нисбатан суриштирув ўтказиши ҳақида хабарлар тарқаганди. Ижтимоий тармоқлардаги фойдаланувчиларнинг аксарияти уни қўлга олишни талаб қилишган, сабаби у қиролликда қиз болалар учун белгилаб қўйилган қоидаларни бузган. Бироқ, уни қўллаб-қувватлаганлар ҳам топилди.

Қиз Ар-Риёдда “нокамтар кийим-кечак”ни кийиб юргани учун қўлга олинди. Маҳаллий ОАВ маълумотига кўра, унинг иши шаҳар прокурорига топширилган.