АҚШ Венесуэлага нисбатан санкциялар киритмоқчи

АҚШ Венесуэланинг нефть сектори ҳамда мамлакатнинг қатор амалдорларига нисбатан санкциялар киритиш ниятида. Бу ҳақда Reuters хабар бермоқда.

Таъкидланишича, санкциялар миллий таъсис йиғилиши учун сайловларга жавоб чораси бўлади.

30 июль куни Венесуэла ҳудудида таъсис йиғилишига сайловлар бўлиб ўтди. Номзодлар орасида Венесуэла мухолифатидан биронта ҳам вакил йўқ.

Маълумот учун, таъсис йиғилиши (бошқача номи – конституциявий ассамблея) – янги сиёсий институт бўлиб, у Венесуэла конституциясини ўзгартиришга имкон яратиб беради.

Аввалроқ Венесуэладаги норозилик намойишларида 13 киши ҳалок бўлгани хабар қилинганди.