Франция президенти Эммануэль Макрон бир неча кунлик таътилга чиқишни мўлжалламоқда.
Бу ҳақда Le Figaro Елисей саройи баёнотига асосан хабар берди.
Таъкидланишича, президент таътилга кетиши ҳақида 8 август куни ҳукумат аъзолари билан ўтказиладиган тантанали кечки овқат пайтида расман маълум қилади.
Унинг таътили қанча давом этиши номаълум, бироқ Франция ҳукумати матбуот котибининг аниқлик киритишича, Макрон фавқулодда ҳолат рўй берадиган бўлса, ўзининг президентлик вазифаларига дарҳол қайтади.
Эслатиб ўтамиз, Эммануэль Макрон 2017 йилнинг 14 май куни Франция президенти лавозимига киришганди.
