Исроил Ғазо секторидаги объектларга зарбалар берди

Исроил ҳарбий-ҳаво кучлари Ғазо секторидан учирилган ракетага жавобан Фаластиннинг Хамас ҳаракати объектларига зарбалар берди. Бу ҳақда Исроил мудофаа армияси Twitter’да маълум қилган.

«Бир қанча вақт муқаддам снаряд Ашкелон минтақасидаги очиқ жойга тушди. Жабрланганлар ҳақида хабар берилмади. Исроил ҳарбий-ҳаво кучларининг самолёти бунга жавобан Хамаснинг Ғазо сектори шимолидаги иккита постни нишонга олди», - дейилади хабарда.

2017 йилнинг 24 июль куни ҳам Исроил ракета учирилганига жавобан Фаластиндаги постга ҳужум қилганди.