ОАВ: Жанубий Корея КХДРга қарши "зудлик билан амалиётлар" ўтказишга тайёр

Фото: AP

Жанубий Корея ҳарбийлари КХДР томонидан "фитналар" уюштирилган тақдирда "зудлик билан жавоб қайтариш"га шай, деб хабар қилмоқда Ёнхап агентлиги ўз манбасига асосланган ҳолда.

Қандай амалиётлар ўтказилиши мумкинлигига агентлик суҳбатдоши аниқлик киритмаган. Шу билан бирга, Жанубий Корея ва АҚШ КХДРнинг қандайдир янги ядровий синов ёки ракета парвозига тайёрланаётганини исботловчи аломатларни кузатмаган. Корея Меҳнат партиясига асос солингани нишонланадиган 10 октябрь куни арафасида шундай синов бўлиши мумкинлиги айтилганди.

"Воқеалар ривожини жуда диққат билан кузатаяпмиз", — дея манбаси сўзларини келтиради агентлик.

Ж.Корея ва АҚШ КХДРни барча воситалар билан кузатмоқда. Хусусан, айғоқчи самолётлар U-2S ва RC-800, RF-16 қирувчи-айғоқчи, E-737 русумли олдиндан аниқлаш ва огоҳлантириш самолёти ва P-3C патруль самолётларидан фойдаланмоқда.

Шимолий Корея ракеталарини учирилганидан сўнг 2 дақиқа ичида аниқлаш мақсадида Япон денгизида "Ижис" (Aegis) тизими, SPY-1D ва Green Pine радарларига эга ҳарбий кема фаолият кўрсатмоқда.

Тайёрлаган: Толиб Раҳматов

#КХДР #Жанубий Корея