НАТО жанговар шай кучлари сони 3 каррага ошди
НАТО тезкор ҳаракат кучлари сони 3 карра кўпайтирилди. Альянс бош котиби Йенс Столтенбергнинг айтишича, сўнгги 3 йилда шундай натижага эришилган. У Journal du Dimanche журналига берган интервьюсида шундай баёнот берди.
«2014 йилги Украина инқирозидан кейин, альянс сўнгги йиллардаги жиддий мустаҳкамлаш чораларини кўришга қарор қилди. Биз НАТОнинг тезкор ҳаракат кучларини 3 карра кўпайтириб, 40 минг кишигача етказдик. Уларнинг 5 минг нафари бир неча кун ичида жанговар ҳаракатларга кириша олади», — дея аниқлик киритган Столтенберг.
Унинг сўзларига кўра, НАТО машғулотлар ўтказиш ва Болтиқ мамлакатлари ҳаво ҳудудида патруллик қилиш амалиётларини кучайтирган.
Столтенбергнинг қўшимча қилишича, ташкилот мамлакатларига киберҳужумлар жиддий таҳдид уйғотмоқда. Шу боисдан ҳам киберкенгликлар ҳарбий муҳит сифатида баҳоланадиган бўлди.
«Киберҳимоя жамоавий мудофаанинг ажралмас қисми ҳисобланади. Бу хавфли киберҳужум альянс низомининг бешинчи моддасини ишга туширишга асос бўлишини англатади», — деган бош котиб.
Столтенберг, бу чоралар, шунингдек, НАТО таркибида иккита янги қўмондонлик тизимининг пайдо бўлишини Россиянинг агрессив ҳаракатлари билан изоҳлади.
Мавзуга оид
08:30
Столтенберг: Украина уруш тугагунига қадар НАТОга қабул қилиниши мумкин
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024
Россияда ўзбек диаспораси етакчиси ноқонуний миграцияни ташкил этишда гумон қилинмоқда
14:20 / 04.10.2024