ЕИ кенгашидаги раислик Болгарияга ўтди

Фото: Anadolu

Европа Иттифоқи Кенгашидаги раислик расман Болгарияга ўтди. Софияда Болгариянинг Европа Иттифоқи Кенгашидаги олти ойлик раислигига бағишланган расмий маросим ўтказилди.

Маросимда сўзга чиққан Болгария президенти Румен Радев, кирилл алифбосининг ватани, Болгария «кўп асрлар мобайнида Европанинг жануби-шарқий дарвозаси ва Шарқ ҳамда Ғарбни бир-бирига боғловчи кўприк сифатида ҳисоблаб келинганини» таъкидлади.

Унинг сўзларига кўра, Болқон ярим оролини бўлишга уриниш ҳар доим фожиага олиб келган.

«Европа бирлашган бўлиши жуда катта, лекин ажралган ҳолда бўлишга жуда кичик», - деди Радев.

Президентнинг сўзларига кўра, миграция ва терроризм Европа Иттифоқи қўшнилари билан фаол мулоқотни талаб қилмоқда.

Ўз навбатида, Европа парламенти раиси Антонио Таяни Европа Иттифоқи Кенгашидаги раислик даврида София ЕП томонидан қўллаб-қувватланишини таъкидлади.

«Болгария раислиги даврида биз ЕИни янада самаралироқ, демократик ва мослашувчан тузилмага айлантириш йўллари ҳақида ўйлашимиз керак», - дея ҳисоблайди Таяни.

Тайёрлаган: Отабек Матназаров

#Европа Иттифоқи #Болгария