Эрдўған НАТОни Суриядаги воқеаларга кўз юмишда айблади

Туркиия президенти НАТОни Сурия масаласида қаттиқ танқид қилди.

«НАТО яна қачонгача Сурияда бўлаётган воқеаларни инкор қилмоқчи? Альянс қачон Сурия ҳудудидаги террорчилар ҳужумига учраётган Туркияни қўллайди?», - деган Ражаб Тоййиб Эрдўған Болу вилоятидаги чиқиши вақтида.

Унинг сўзларига кўра, бундай ҳолат Сурия президенти Башар Асад режимига нисбатан ҳам кузатилмоқда.

«Қачон НАТО ўзини кўрсатади? Мен яна неча марта шундай чақириқ билан чиқишим керак?», - деган Эрдўған. У Сурия ва Туркия чегараси умумий узунлиги 911 километрни ташкил қилишини эслатиб ўтган.