Туркия ва Ироқда Сурияга зарбалар берилишига қарши намойишлар бўлиб ўтди

Фото: News Front

Истанбул ва Бағдод кўчаларига АҚШ, Буюк Британия ва Франциянинг Сурия ҳудудига зарбалар беришига қарши намойишчилар чиқишди.

Туркияда намойишчилар Франциянинг Истанбулдаги консуллиги ёнида йиғилишган. Уларда “Сурияда империалистик тажовузга ўрин йўқ” деган ёзувли баннерлар бўлган.

Шунингдек, Бағдодда намойишчилар Сурия байроқлари билан бирга кўчалардан юриб ўтишган.

14 апрелга ўтар кечаси АҚШ, Буюк Британия ва Франция қуролли кучлари Суриядаги бир қатор объектларга зарбалар берди. Сурия ҳудудига 100 дан кўпроқ ракета билан зарба берилган. Ушбу уч давлат раҳбариятининг таъкидлашича, зарбалар кимёвий қурол ишлаб чиқариш билан боғлиқ объектларга берилган.