Керри Эрон ТИВ раҳбари билан учрашган - ОАВ

Фото: ANDREW HARRER/BLOOMBERG/

АҚШ собиқ давлат котиби Жон Керри 2018 йилда Эрон ТИВ раҳбари Муҳаммад Жавод Зариф билан бир неча маротаба учрашиб, ядровий келишувни муҳокама қилган. Бу ҳақда The Boston Globe манбага асосан хабар бермоқда.

Нашр маълумотларига кўра, Керри ва Зариф келишувни сақлаб қолишнинг турли вариантлари устида сўз юритган.

Нашр музокаралар қандай натижа келтирганини хабар қилмаган.

Эслатиб ўтамиз, аввалроқ Россия ТИВ раҳбари Сергей Лавров АҚШнинг Эрон билан ядро келишувидан чиқиши оқибатлари ҳақида айтганди. Унинг маълум қилишича, АҚШ Эрон бўйича ядровий келишувдан чиқса, дунё ядро қуролини тарқатмаслик бўйича энг муҳим ҳужжатлардан бирини йўқотади.