Макрон Трамп сиёсати сабабли Эрон билан уруш чиқиши хавфидан огоҳлантирди

АҚШ президенти Дональд Трампнинг Эрон билан ядровий битимдан  воз кечиши урушга олиб келиши мумкин. Бундай фикрни Франция президенти Эммануэль Макрон Spiegel нашрига берган интервьюсида айтиб ўтди. 

“Бу Пандора қутисини очиб юборишимизни англатади, уруш чиқиши мумкин”, деб айтган Макрон.

Шу билан бирга Макрон Трамп янги ихтилофни бошлашга интилмаётганини айтган. “Дональд Трамп уруш бошлашни истамоқда, деб ўйламайман”, деб таъкидлаб ўтган Макрон.

Трамп Буюк Британия, Германия ва Франция билан мунозарадан кейин 12 майгача Вашингтон Теҳрон билан ядровий битимда қолиши ёки қолмаслигини эълон қилиши керак. “Эрон билан ядровий битимни кўриб чиқиш тўғрисида”ги қонун доирасида Трамп ҳар 90 кунда Эрондан санкциялар олиш тартибини узайтириши ёки узайтирмаслиги керак.