Украинадаги энг йирик металлургия комбинати иши тўхтаб қолди

Фото: ИТАР-ТАСС/ Александр Рюмин

Украинада «АрселорМиттал Кривой Рог» энг йирик металлургия комбинати ўз ишини тўхтатди. Бу ҳақда «Украина мустақил касаба уюшмалари конфедерацияси» хабар қилган.

Бунга ишчиларнинг иш ташлаши сабаб бўлгани айтиляпти.

«Ишчилар носоз техникада ишлашдан бош тортишди, ҳамда бу бутун корхонанинг ишининг тўхтаб қолишига сабаб бўлди, чунки биронта локомотив ўз жойидан қўзғалмади», - дейилади хабарда.

Таъкидланишича, комбинат ходимлари раҳбариятдан корхонада хавфсиз иш шароитларини талаб қилишмоқда. Корхонада ишловчи бирламчи касаба уюшма ташкилотлари қўшма йиғилиш ўтказади ва кейинги ҳаракатлар режасини ишлаб чиқади.