Абрамович Исроил фуқаролигини оляпти

Фото: ТАСС /Алексей Насыров

«Челси» футбол клубининг россиялик эгаси Роман Абрамович Исроилга фуқароликни олиш учун жўнаб кетди.

Israel Hayom нашри маълумотига кўра, миллиардерни бундай қадам қўйишга Буюк Британия визасини расмийлаштириш билан боғлиқ қийинчиликлар мажбурлаган.

Шунингдек таъкидланишича, Саратовда таваллуд топган 51 ёшли тадбиркор Тель-Авивнинг Неве-Цедек туристик туманида катта, ҳашаматли уй қурмоқда. Бундан ташқари, ўзи томонидан 25 млн долларга сотиб олинган «Версано» меҳмонхонасига эгалик қилади.

Абрамович «Челси»ни 2003 йилда 140 млн фунт стерлингга сотиб олган. Якунига етган мавсумда «аристократлар» Англия чемпионатида бешинчи ўринни эгаллади ва мамлакат Кубогини қўлга киритди.