ОАВ НАТОнинг «қўрқинчли туши» ҳақида маълум қилди

«Тишигача қуролланган Калининград области» - НАТОнинг қўрқинчли туши, деб ёзмоқда National Interest.

Нашрнинг таъкидлашича, Болтиқ флоти Польша флотидан кучлироқ. Мақола муаллифи фикрича, минтақадаги рус ракеталари ва флоти АҚШ ҳамда Европа давлатлари қўшинлари ҳаракати ҳудудини анча қисқартиради.

Нашр энг катта таҳдид сифатида «Искандер-М» ракета мажмуаларини келтирган.

Таъкидланишича, Россия Х-55 ва Х-101 қанотли ракеталарига эга ҳарбий-космик кучларни ҳам қўллаши мумкин.

Шунингдек, Калининградда флот контингентининг катта қисми жойлашган, жумладан, 21630 лойиҳасидаги саккизта «Калибр» ракетасига мўлжалланган 3Р-14 УКСК вертикаль учириш қурилмасига эга мажмуали кичик артиллерия кемалари ҳам бор. Бундан ташқари, журналнинг хабар қилишича, мудофаага 956 лойиҳасидаги эскадрильяли минаташувчи, иккита «Неустрашимый» қўриқчи кемаси, тўртта 20380 лойиҳасидаги корвет, 1234 лойиҳасидаги тўртта кичик ракета кемаси, шунингдек, еттита 1241 лойиҳасидаги ракета катери ҳам жалб этилиши мумкин.

National Interest’нинг таъкидлашича, НАТОнинг Калининград билан чегарадош бўлган давлатларида рус қўшинларини мағлуб этиш имконияти ҳозирча йўқ.

Эслатиб ўтамиз, аввалроқ National Interest АҚШнинг «Абрамс» танкини Россиянинг «Армата»си билан таққослаганди.