Угандада мудҳиш ЙТҲ, 19 киши ҳалок бўлди

Фото: xinhuanet.com

Уганда ғарбида йўловчи автобусининг трактор ва автоцистерна билан тўқнашуви оқибатида камида 19 киши ҳалок бўлди. Синьхуа агентлиги хабарига кўра, йўл-транспорт ҳодисаси Кирьяндонго туманида шанба, 26 майга ўтар тунда рўй берган.

Ҳалок бўлганлар орасида уч нафар ёш бола ва 16 нафар ёши катта инсон бор. Шунингдек, хабар қилинишича, бир неча киши жароҳат олди, уларнинг сонига ойдинлик киритилмаган.

Маҳаллий полиция вакилининг сўзларига кўра, ҳозирги вақтда воқеа жойида қутқарувчилар ва ҳуқуқни муҳофаза қилиш органлари ходимлари ишлашмоқда.