BP энергетика компанияси раҳбари Роберт Дадлининг маълум қилишича, у нефть нархи бир баррель учун 100 долларга кўтарилишига жиддий бир сабабни кўрмаяпти. Бу ҳақда РИА «Новости» хабар берди.
«Мен аввал ҳам айтгандим - йўқ. Нефть нархи бир баррель учун 100 долларга кўтарилишини тахмин қилаётган одамлар бор. Мен у 100 долларга чиқади, деб ўйламайман. Бу нефть етказиб бериш бўйича қандайдир чекловлар бўлсагина юз бериши мумкин. Мен нарх шу даражага чиқиб кетиши бўйича бошқа сабабни кўрмаяпман», - дея айтиб ўтди Дадли.
Эслатиб ўтамиз, аввалроқ ОПЕК бош котиби Муҳаммад Баркиндо нефть қазиб олишни қисқартириш бўйича келишув (ОПЕК+) доирасидаги мамлакатлар ҳамкорлиги барқарорлик учун кенгайиши кераклигини маълум қилганди.