Африкага бошқа қитъалардан 5,5 млн киши кўчиб ўтгани маълум қилинди

Африкага дунёнинг турли бурчакларидан 5,5 млн киши миграция қилган. Бундан БМТнинг савдо ва ривожланиш анжуманининг (UNCTAD) Африкадаги миграция ва унинг иқтисодий оқибатлари ҳақидаги доклади дарак бермоқда.

Доклад Аддис-Абебеда журналистларга тақдим қилинган. Ҳужжатда айтилишича, Африканинг бир давлатидан иккинчисига 19 млн киши, Африкадан бошқа қитъалардаги давлатларга эса 17 млн киши кўчиб ўтгани айтилган.

1990 йилдан 2010 йилгача давр ичида Африкага келган муҳожирлар сони унча ошмаган бўлса-да, бироқ 2010 йилдан кейин бу кўрсаткич 2 мартага ошган ва 2017 йил ҳолатига кўра 5,5 млн кишига етган.