«Қишлоқ хўжалиги ўлиб бўлган». Қримда сув билан боғлиқ жиддий муаммолар бор

Украина Олий радаси депутати ва «Қрим-татар халқи мажлиси» етакчиларидан бири Мустафо Жамиловнинг маълум қилишича, Қримда сув билан боғлиқ «жиддий муаммолар» бор. Бу ҳақда РИА «Новости» хабар бермоқда.

Унинг сўзларига кўра, муаммолар Украина ҳукумати гўёки Шимолий-Қрим каналини тўсиб қўйгани туфайли юзага келган.

Таъкидланишича, Қримда «қишлоқ хўжалиги ўлиб бўлган».

Шунингдек, унинг қайд этишича, Украина Россия билан Қримнинг сув таъминоти масаласини муҳокама қилиш ниятида эмас.

Эслатиб ўтамиз, аввалроқ Эстония президенти Украинадаги можарони уруш, деб аташга чақирганди.