Исроил армияси фаластинлик 4 шахсни ўлдирди, 618 киши жароҳат олди

Фото: REUTERS/Ibraheem Abu Mustafa

Ғазо секторида Исроил армияси билан юз берган тўқнашувлар давомида фаластинлик тўрт шахс ҳалок бўлди, яна 618 инсон жароҳат олди. Бу ҳақда РИА «Новости» маҳаллий Соғлиқни сақлаш вазирлиги матбуот котиби Ашраф ал-Кидрага асосан хабар бермоқда.

«Ғазонинг шарқий чегараларида юз берган тўқнашувлар оқибатида фаластинлик тўрт шахс ҳалок бўлди, яна 618 нафар фаластинлик жароҳат олди, улар орасида саккиз киши оғир жароҳат олган», - дея айтиб ўтди матбуот котиби.

Исроиллик ҳарбийлар ҳисоб-китобларига кўра, минтақадаги норозилик намойишида тахминан 10 минг фаластинлик иштирок этмоқда. Уларнинг сўзларига кўра, намойишчилар шиналарни ёқишмоқда, тошлар ва қўлбола портловчи қурилмаларни отишмоқда, шунингдек, осмонга ёқиб юборган варракларни учириб, чегаранинг қарама-қарши томонида ёнғинлар юзага келтиришмоқчи.

Эслатиб ўтамиз, аввалроқ исроиллик ҳарбийлар фаластинлик ҳамширани ўлдиргани хабар берилганди.