Isroillik harbiylar falastinlik hamshirani o‘ldirishdi - OAV

1 iyun kuni G‘azo sektorida HAMAS vakillari va Isroil armiyasi o‘rtasidagi to‘qnashuvlar vaqtida falastinlik hamshira Razan al-Najar halok bo‘ldi, deb xabar qilmoqda Reuters.

Ta'kidlanishicha, 21 yoshli ko‘ngilli hamshira Xan-Yunus shahridan sharqdagi chegaraoldi to‘sig‘i yonida jarohatlanganlarga yordam bermoqchi bo‘lganida o‘ldirilgan.

Voqeaga guvoh bo‘lganlarning ma'lumotiga ko‘ra, Najar oq rangdagi maxsus kiyimda bo‘lgan hamda isroillik askarlar unga o‘q uzishidan avval qo‘llarini tepaga ko‘targan.

Avvalroq, isroillik harbiylar merganlar faqat tahdid solgan odamlarni o‘qqa tutgani, biroq daydi o‘qlar ham bo‘lgani haqida xabar bergandi.

Isroil armiyasining alohida bayonotida aytilishicha, hujum falastinliklarning chegaradagi beshta joyda namoyishlari kuchayganiga javoban amalga oshirilgan.

Eslatib o‘tamiz, avvalroq AQSh falastinliklarga yordam bo‘yicha rezolyutsiyaga veto qo‘yish bilan tahdid qilgandi.