Ливия қирғоқларида 237 нафар африкалик қочқин қутқарилди

Ливиянинг Караполи шаҳри қирғоқларида 237 нафар қочқин қутқарилди. "Анадолу" агентлиги Ливия Миллий ярашув ҳукумати ҲДК қўмондонлиги берган маълумотга асосланиб, шу ҳақида хабар берди. 

Ноқонуний мигрантлар икки қутқарув операцияси доирасида қирғоққа олиб чиқилди. Уларнинг орасида аёллар ва болалар ҳам бўлган.

Биринчи операция Караполи шаҳри шимолидан 20 км, иккинчиси эса 36 км масофада ўтказилган. 

Қутқарилганларнинг аксарияти - Судан аҳолиси.

Мигрантлар Тажур шаҳридаги марказга етказилган, у ерда улар тиббий кўрикдан ўтказилиб, гуманитар ёрдам олишди. 

Сўнгги бир неча кунда Караполи қирғоқларида қутқарилган қочқинларнинг умумий сони 680 нафарга етган.