Спорт | 23:00 / 21.08.2018
2815
1 дақиқада ўқилади

Пьянич «Ювентус» билан янги шартнома имзолади

Фото: Ювентус

«Ювентус» клуби яримҳимоячи Миралем Пьянич билан ҳамкорликни узайтирди.

Томонлар 2023 йилгача мўлжалланган янги шартномани имзоладилар. Бунда Пьяничнинг маоши 4,5 миллион евродан 7 миллион еврога оширилди. Олдинги меҳнат битими 2021 йилгача мўлжалланган эди.

Аввалроқ, футболчининг хизматига «Барселона» ва «Реал» клублари қизиқаётгани, «Ювентус» эса уни «Реал»га 60 миллион еврога сотмагани ҳақида хабарлар тарқалган эди.

Ўтган мавсумда Пьянич А Сериянинг 31та ўйинида майдонга тушиб, 5та гол урган ва 8та голли узатмани амалга оширган.

Сардор Юсупов
Тайёрлаган Сардор Юсупов
Kun.uz янгиликларини Google News'да кузатинг
+ Обуна бўлиш

Мавзуга оид