АҚШ разведкаси Асад хлордан фойдаланишга рухсат берганини аниқлади

АҚШ разведкаси Сурия президенти Башар Асаднинг Идлибдаги жангариларга қарши хлордан фойдаланишга рухсат берганини тасдиқловчи маълумотларни олди. Бу ҳақда The Wall Street Journal манбаларга асосан ёзмоқда.

Материалда билдирилишича, Асад Идлибда жангариларга қарши амалга ошириладиган ҳужумда газ шаклидаги хлордан фойдаланишга рухсат берган. Шу муносабат билан Пентагон эҳтимолий жавоб чораларини тайёрламоқда, бироқ президент Дональд Трамп у айнан қандай бўлишини ҳали ҳал қилмаган.

Шунга қарамай, нашрнинг кўрсатишича, зарба, агар Вашингтон бундан қадамга борса, барча аввалгиларидан энг кучлиси бўлади.

Америка ҳукумати Дамашқни мамлакатда кимёвий қуролдан фойдаланганликда айбламоқда. Сурия ҳукуматининг иддао этишича, кимёвий қуролларга эга эмас ҳамда улардан фойдаланмаяпти.

Эслатиб ўтамиз, аввалроқ Эрдўған Туркия Сурияда бегуноҳ одамлар ўлдириладиган бўлса, четдан қараб турмаслигини айтганди.