Темир қувурларни ўғирлаб кетаётган шахслар қўлга тушди - ИИВ

25 сентябрь куни Навоий шаҳрида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, Кармана туманида яшовчилар С.З., А.Р. ва Ш.О. фуқаро М.З.га тегишли умумий қиймати 8 млн. сўмлик темир қувурларини ўғирлаб кетаётган вақтида шу ҳудудда хизмат олиб бораётган Навоий шаҳар ички ишлар органлари ва Миллий Гвардия ходимлари томонидан ушланганлар.

Ҳолат юзасидан жиноят иши қўзғатилиб, тергов ҳаракатлари олиб бормоқда.