Изсиз ғойиб бўлган журналист. Помпео Саудияга чақириқ билан чиқди

Фото: Mark J. Terrill/AP

АҚШ давлат котиби Майк Помпео Саудия Арабистони ҳукуматини йўқолиб қолган саудиялик мухолиф журналист Жамол Қошиқчи билан боғлиқ ҳолатни жиддий текширувдан ўтказишга чақирди. Бу ҳақда РИА «Новости» Давлат департаменти матбуот хизматига асосан хабар бермоқда.

Агентлик маълумотларига кўра, Помпео, шунингдек, Ар-Риёдни суриштирув натижаларининг ошкоралигини таъминлашга ҳам чақирди.

Таъкидланишича, Америка Қўшма Штатлари ва Саудия Арабистони Қошиқчининг йўқолиб қолиши бўйича вазиятни дипломатик каналлар орқали муҳокама қилишган.

Эслатиб ўтамиз, аввалроқ Трамп йўқолиб қолган саудиялик журналистнинг тақдиридан ташвишга тушганди.

Қўшма Штатлар президентининг сўзларига кўра, бу ҳолат «уни ташвишга солмоқда». Шунингдек, унинг қўшимча қилишича, ҳозирги вақтда «ҳеч ким бу ҳақда ҳеч нарса билмайди».

Тайёрлаган Отабек Матназаров

#Саудия Арабистони #Майк Помпео #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди